金撈老鴨湯刺身火鍋專門店 (已結業)

今次黎到呢間火鍋店試下佢招牌嘅老鴨湯打邊爐。呢度嘅環境有啲似西日式餐廳咁，枱與枱之間唔會好似一般火鍋店嗰啲咁迫，坐得舒服而且乾淨。 一坐低就叫咗1jar洛神花茶(HK$38)，以前係第二啲地方飲過覺得會好酸唔係幾鍾意，但係呢度嘅甜甜地而且冰凍，打邊爐啱晒！ 除咗打邊爐之外，呢度仲有好多款刺身同埋小食選擇.。打邊爐之前我地order左幾款試下。蒜香三文魚骨(HK$58)有啲避風塘風味，椒鹽粒幾惹味。三文魚炸完都算嫩滑，加上無細骨，食起上嚟好方便。仲叫咗好耐都無食過嘅雞腳，呢款鮑汁雞腳(HK$38)幾入味，旁邊嘅花生唔會煮得太淋仲保留咗啲硬嘅口感。見呢度係刺身火鍋店，想試多啲唔同款嘅刺身所以揀咗五彩刺身拼盤(HK$148)，仲有係第二度好似無見過嘅水母刺身(HK$78)。拼盤有三文魚、牡丹蝦、吞拿魚、劍魚同埋赤貝，全部都夠凍亦鮮甜，唔錯！至於水母刺身外層十分爽脆，中間好似海蜇咁有點咬口。原来呢度仲有出面真係好少地方有得食嘅生醃螄蚶(HK$88)。雖然唔駛煮，但需花嘅心思絕對不少。因為不能存放太久，為咗確保新鮮，聽老闆講每日只會供應3至4份。加上係生食，所以一定要洗得好仔細。其實螄蚶好似