尚上下夏 - 養生雞煲火鍋 (已結業)

忍得太耐終究要放鬆吓，食吓雞煲。入門前要探熱，有發燒就唔入得。而且仲有酒精搓手液同信封免費提供俾大家存放口罩。枱面加設透明膠座，成 set 即棄餐具，種種防疫措施令人食得份外安心麻辣雞煲 （半隻）$159話就話半隻雞，但份量真係奇多，都幾大煲，好多雞肉，好多配料，超抵食。雞肉好新鮮，而且唔肥，仲好入味。配料如姜蔥蒜辣椒同花椒很多，小辣已經好辣，食幾件就成身暖曬 ，又辣又爽！雞煲內亦有不少豬皮，索曬D麻辣，惹味骨膠原。藥膳湯 $49食完雞煲，可以加湯打邊爐，揀了藥膳湯。藥膳湯加入麻辣雞煲內，又藥又辣，重口味之選 羊肉卷 $60藥膳湯底配羊肉，感覺特別補。桂花魚片 （半條）$89一般打邊爐都係脆肉鯇或者白鱔兩味，但呢到竟然有桂花魚片，而且價錢相當合理，當然要試試。魚肉薄薄地又幾滑，一分鐘之內食，魚肉唔會散，有水煮魚的口感。四寶丸 $60全部新鮮手打，當中墨魚丸最出色，彈牙好食。而鯪魚丸加入好多胡椒，亦非常香口。反而豬肉丸同蝦丸就相對有點比下去了，味道唔夠突出。娃娃菜 $49蔬菜類價格偏貴，但都幾新鮮，唯有少食多滋味。藍妹 $19細枝裝，夠凍。