齊柏林熱狗店 (太安樓) (已結業)

黎到西灣河，不得不去太安樓覓食下！行過見到新開左間熱狗店，就決定試下啦。今次同朋友分別揀左芝士熱狗同田原風味熱狗仲加左薯條。佢個熱狗份量都幾多下，起碼有我一隻半手掌咁長。麵包有焗過都幾脆，我食田原風味就係蔬菜配醬，佢餐牌上面都會寫名係有咩材料落咩醬，好細心！好詳細！食落味道好好，不過佢個醬有d多，所以都幾膩，如果可以下次叫佢少d醬先得。朋友食個芝士都好吸引，芝士佈滿晒係上面勁吸引呀！然後個薯條都好好食，好脆好香，不過都係太多醬啦，可以叫佢少番d。絕對會再幫襯！