你妳 (已結業)

吐司盛宴！放工準備返家，經過呢間台灣野，今晚又無煮飯，所以就買幾個套餐返去食！🤩首先叫左個夜市鹽酥拼盤便當，當中有台灣香腸，芋頭海鮮餅，甜不辣，滷蛋同一Ｄ配菜，香腸同海鮮餅都鹹鹹地好有口感，甜不辣好有台灣特色風味，再送多杯飲品，叫左杯白桃茶，好有白桃味！😋😀另外再叫個台式蛋餅加魯肉飯，台式蛋餅好濃既蛋味，Ｄ麵餅食到人有溫暖感覺，魯肉飯既油汁滲落飯度好好味！呢個餐就搭杯古早冬瓜茶，好清新解渴！🤤😚然後再叫埋「你妳、皇牌吐司加仙草芋圓」套餐，所謂既皇牌吐司就係肉鬆芋圓吐司，兩大件食極食唔完，我食過幾次都係要食一半留一半第二日食！仙草芋圓都好大碗，好多料，係飯後最佳甜品！😍叫左幾個套餐都仲係唔夠，就叫埋呢個享負盛名嘅白兔糖吐司！其實係芋泥吐司加咗白兔糖麻薯，好軟滑又有奶香味，口感幾夾！😙🥳仲叫多個酥炸雞扒Ｘ蜜糖芥末Ｘ芝士吐司，同埋秘製豬排Ｘ松露醬Ｘ荷包蛋吐司，心諗食唔晒聽日做早午餐！兩個吐司都好厚好高質，無論豬排同雞扒都好正，食完一件都飽晒，第二件第二日食都仲咁好食！☺️🤩