臺坊 (加拿分道) (已結業)

夏日炎炎，最適合就係食返一啲懷舊（無得去台灣）嘅台灣嘢，同埋飲杯涼爽嘅珍珠奶茶！行喺尖沙咀鬧市中，見到呢間小店都幾多人，於是就等一陣入去食吓嘢！呢度嘅餐牌選擇就唔算超級多，但係見到有幾特別嘅嘢食，有藥膳湯米線同埋本身鐘意既牛肉麵，於是就兩個都叫嚟試吓！再加杯珍珠奶茶，咁樣叫法都真係幾抵，因為叫嘢食珍珠奶茶都會平啲！首先就講特別啲嘅藥膳湯米線，佢個湯好足料，而味道偏鮮甜而唔係濃味！個人覺得同牛肉麵真係絕配！（一濃一清）入面既雞絲如相所見都幾多，食到好飽飽！至於牛肉麵呢我覺得好高質！牛味同鹹香味好濃！相信係淆製左好耐！牛既質地唔會好硬，而且有都好大塊！！珍珠奶茶方面，呢到選用既係伯爵茶，而珍珠都好彈牙！唔會係死甜既糖水～