銀杏館 (已結業)

同家姐們去廟街食意大利菜~大約六點去到銀杏館, 去到叔叔們仲係度準備緊正如之前食評話, 佢地好細心, 有暖水供應, 仲同我地話出面天氣凍飲暖水好啲食方面我地叫咗3個set, 湯都係分紅白, 白係忌廉海鮮, 紅係什菜, 我飲的是白湯, 以為會好膩, 但事實上唔係架, 好在咋, 唔係就食唔到主菜啦~主菜分別係黑松露意大利飯, 黑松露雲吞同魚,3個都好好味的, 黑松露好香好味, 而我食的雲吞分量都幾大, 食完好飽!食完主菜, 係時候飲餐飲啦! 我的奶茶係用壺裝住茶, 細杯仔裝奶的, 好英式之後到甜品, 當日只供應銀杏叔叔同蘋果金寶, 我地就叫咗呢兩款啦! 如果有芝士蛋糕就好啦! 銀杏叔叔 好似梳乎厘 叔叔唔小心將放咗紅湯係我面前,(但係我飲白湯),之後佢見我地自己轉當番湯, 就同我地講唔好意思, 哈哈, 姐姐同佢話等我地做吓手部運動, 叔叔就哈哈笑啦, 服務好又有趣的叔叔!叫甜品時, 相信係店長的叔叔問我地一人一個甜品食唔食得唒, 同佢話有第二個胃食甜品, 佢笑咗一陣~(原本佢個樣好惡的, 佢笑就無咁惡啦!)