影片
更多
2016-06-12
391 瀏覽
話說今日下午成班兄弟踢完友誼賽，個個都勁肚餓，想搵啲好野食醫下個肚。沖沖下涼，就有個朋友話帶大家去食好野，佢又有揸車，咁梗係要痴車坐啦，結果一行4個人就出發去食野啦。揸車就當然方便啦，不過我睇過搭地鐵，行都係5分鐘就到，都幾就腳。去到門口，就已經聞到好香好濃嘅味道，加上我地非常肚餓，就更顯食慾。可能因為星期五晚嘅關係，都需要等10分鐘左右。入到去坐低，就見到一本厚厚嘅menu，好多唔同嘅選擇。因為太多選擇，唔知點揀好，就叫左服務員幫我地推介幾道菜色。而我就話一定要食羊，所以就揀左以下呢幾樣菜色。分別有烤雞腿，薄荷燒雞腿，燒羊肉咖哩，菠菜燒牛肉，咖哩芝士菠菜，印度蒜蓉烤餅，同埋印度洋蔥烤餅。先黎嘅係佢地嘅招牌菜烤雞腿，呢個雞腿真係冇得輸，好香真係好香，食落個雞好鮮嫩，啖啖肉，正！跟住到薄荷燒雞腿，都幾重薄荷味，好清新，好食！之前就燒羊肉咖哩，菠菜燒牛肉，咖哩芝士菠菜，同埋2個烤餅一齊到。岩晒，烤餅可以同埋啲咖哩汁，菠菜味一齊食，而且啲烤餅新鮮出爐，熱辣辣，好香口！不得不重點推介個燒羊肉咖哩同個咖哩芝士菠菜。個羊肉好鮮嫩，如果鍾意食羊嘅，呢個係必須要試！跟住個芝士菠菜，開頭叫嘅時候以為佢係
揸車就當然方便啦，不過我睇過搭地鐵，行都係5分鐘就到，都幾就腳。
去到門口，就已經聞到好香好濃嘅味道，加上我地非常肚餓，就更顯食慾。可能因為星期五晚嘅關係，都需要等10分鐘左右。
入到去坐低，就見到一本厚厚嘅menu，好多唔同嘅選擇。因為太多選擇，唔知點揀好，就叫左服務員幫我地推介幾道菜色。而我就話一定要食羊，所以就揀左以下呢幾樣菜色。分別有烤雞腿，薄荷燒雞腿，燒羊肉咖哩，菠菜燒牛肉，咖哩芝士菠菜，印度蒜蓉烤餅，同埋印度洋蔥烤餅。
先黎嘅係佢地嘅招牌菜烤雞腿，呢個雞腿真係冇得輸，好香真係好香，食落個雞好鮮嫩，啖啖肉，正！
跟住到薄荷燒雞腿，都幾重薄荷味，好清新，好食！
之前就燒羊肉咖哩，菠菜燒牛肉，咖哩芝士菠菜，同埋2個烤餅一齊到。岩晒，烤餅可以同埋啲咖哩汁，菠菜味一齊食，而且啲烤餅新鮮出爐，熱辣辣，好香口！
不得不重點推介個燒羊肉咖哩同個咖哩芝士菠菜。個羊肉好鮮嫩，如果鍾意食羊嘅，呢個係必須要試！跟住個芝士菠菜，開頭叫嘅時候以為佢係菠菜為主，點知黎到，係菠菜蓉加芝士粒，菠菜味好正再加淡淡嘅芝士粒，好好食。
食完呢餐豐富又好食嘅晚餐，大家都抱住個肚走，非常滿足，下次一定要再黎食過。
張貼
