金不換泰國餐廳 (已結業)

好中意食泰國菜，今日同屋企人終於全家夾倒時間食金不換了。整體而言食物都十分和味，每道菜都有咁上下水準！筆者最鍾意呢個咖哩蟹：Ｄ咖哩汁唔係好辣，但係好香，同Ｄ蟹肉本身的鮮味好配合～雖然我成日覺得食蟹好麻煩，要左夾右篤先食到少少蟹肉，但係呢個真係幾好食！　我呀媽就鍾意呢條魚（我唔記得左個名），大概佢下面有個火爐燒住令條魚ＫＥＥＰ住個溫度～條魚Ｄ肉實實地，唔係好滑果種，不過就冇咩骨同好鮮甜！至於每間泰國餐廳必食既蝦餅就麻麻地，唔難食但都真係冇咩特別。啖啖肉咁但係我鍾意食彈牙Ｄ。冬蔭公都好好味，但我地３個人ｓｈａｒｅ飲我就有ｄ唔夠喉咁樣囉！總括而言，係好食既！會再幫襯～