更多
2019-05-24
285 瀏覽
前兩日喺黃埔間時新寫左食評,寫左蕪湖街呢間好食啲,點都要喺呢邊寫返呢邊有咩好。雖然呢間扲唔到時新個名,但真係承傳左時新漢堡包嘅精髓。食左兩次,都係食芝士漢堡加蛋。下面呢個第一次食首先係個包,係新鮮烘熱,內脆,外軟。第二係件漢堡扒依舊多汁,鬆軟。仲有只蛋,唔係黃埔間係煎定先攤凍晒,而係即煎嘅,夠熱,仲可以溶埋片芝士。而呢間優勝嘅仲有個包裝,一個三角袋套起個包,保暖之餘仲唔會俾啲汁亂咁滴,呢個設計真係幾細心。個包食落口好夠熱嘅,呢個先係舊時新漢堡嘅精髓嘛。呢個第二次嘅,睇返,件漢堡扒都比黃埔一間大啲。
張貼