新大利粉麵茶餐廳

營業中

休息中

聽朋友話呢一間係大圍嘅新大利茶餐廳嘅茶餐好好味，特別就係沙嗲牛肉麵，所以今日一放假下午起身就去食個下午茶試吓。入到去都有好多唔同嘅選擇，有茶餐，有常餐同埋下午茶餐，我哋就揀咗常餐，唔同嘅粉面加炒蛋腸仔或者奄列再配牛油多士，在送埋嘢飲。我就叫咗個沙嗲牛肉麵，遠處都聞到沙嗲味，仲要好濃郁，食落口公仔麵嘅靭度啱啱好，唔會好林，而且沙嗲牛肉分量多，又多汁，好味道啊！我叫左炒蛋配腸仔，平時出面茶餐廳都好多油，多數唔會同你隔咗啲油，但係反而呢度嘅炒蛋係冇乜油，望上去好健康，食落口都好好味！再加少少胡椒粉同埋鹽，好夠味呀！