篤篤車 (已結業)

今次同朋友搵到間泰式車仔麵-「篤篤車」食lunch.店內座位吾多，但都算寬敞，坐得舒適。每張枱面放左點餐紙同埋餐具，整潔乾淨。睇左餐牌，個超值套餐好抵食81$ 三餸麵+指定小食（*號）+菜。朋友同我都叫左呢個超值餐，呢個餐叫嘅餸系「經典餸」選三款，如果要加第4個餸，就加6$（1）.咖哩魚蛋+扎肉+芝士丸+珍珠元貝米粉（冬陰公湯底）餸同麵份量足夠，米粉幼細，咖哩魚蛋入味，元貝都有好多粒。冬陰公湯底好正，好正宗，系成碗麵嘅精髓。（2）.雞翼+豬紅+牛丸油麵（泰國鱷魚湯底） 少辣見到鱷魚湯系特別推介，就想試試，結果真系好清甜，好鮮，加上有少少辣就更加惹味。豬紅一啲都吾腥，牛丸又幾彈牙。枱面仲有菜圃比客人加入麵度食。（3）.小食一：泰式炸雞翼外脆，內裡好juicy.（4）.小食二：網紋春卷外面好鬆脆，程絲狀，裡面幾驚喜，系包豬肉，吾似一般春卷嘅餡料。（5）.菜：馬拉盞芥蘭+腐乳唐生菜馬拉盞芥蘭咸香咸香，好似有蝦醬味道。而腐乳落得剛好，吾會太咸。個餐+8$就有罐汽水，今餐真系食得飽，食物又好味😋