影片
更多
2022-05-27
313 瀏覽
因為疫情都好耐冇出去食飯，近排開返堂食，就約埋同事出去食下飯。之前都有返大陸食下烤魚，宜家好想再食下，於是揾左呢間餐廳，聽講都唔錯，就試下呢間叫大排檔，但有烤魚雞煲食，都幾趣緻下，又唔係烤魚店，未食之前都心諗住過得去就算。但上枱嘅烤魚都都幾大，叫左個酸菜味青江魚烤魚（$255）,3個人食都okay, 魚係炸左先，配合酸菜好鮮味又唔會太酸太辣，呢隻魚好厚肉又唔多骨，好味！仲有薯粉蓮藕片豆卜配料，唔食飯都夠！去到大排檔都會叫啲小菜，叫左椒鹽鮮魷同黃金茄子，椒鹽鮮魷都唔錯，炸得幾香脆，用黎送酒都唔錯；黃金茄子，呢個都幾新穎，鹹蛋黃都幾香，但味道有啲淡，如果味道再濃啲就好唔錯！總體用餐體驗都唔錯，環境都乾淨同坐得舒服，又冇限時，下次應該會再幫襯下＾～＾
呢間叫大排檔，但有烤魚雞煲食，都幾趣緻下，又唔係烤魚店，未食之前都心諗住過得去就算。
但上枱嘅烤魚都都幾大，叫左個酸菜味青江魚烤魚（$255）,3個人食都okay, 魚係炸左先，配合酸菜好鮮味又唔會太酸太辣，呢隻魚好厚肉又唔多骨，好味！仲有薯粉蓮藕片豆卜配料，唔食飯都夠！
去到大排檔都會叫啲小菜，叫左椒鹽鮮魷同黃金茄子，椒鹽鮮魷都唔錯，炸得幾香脆，用黎送酒都唔錯；黃金茄子，呢個都幾新穎，鹹蛋黃都幾香，但味道有啲淡，如果味道再濃啲就好唔錯！
總體用餐體驗都唔錯，環境都乾淨同坐得舒服，又冇限時，下次應該會再幫襯下＾～＾
張貼
