湘蜀人家

營業中

休息中

今晚屋企人想食川菜，就黎到鰂魚涌呢邊嘅湘蜀人家度食晚餐。湘蜀人家顧名思義就係可以食川菜同湖南菜啦，呢度唔止個店名詩情畫意，連裝修風格都別具特色。而且呢度既店員都好親切，令我有賓至如歸既感覺。我地開左壺鐵觀音，坐低食住美味既花生先花生又香又脆等左無幾耐就上菜啦！呢碟係涼拌土豆絲，土豆絲食落好爽口，少少辣味，酸酸地好開胃！跟住再要左個夫妻肺片，呢度既夫妻肺片好好食啊！材料每一片都切到好薄，麻辣鮮香，十分惹味，送飯食一流啊！跟住呢一碟係芹菜炒豆乾，芹菜炒到又脆又香甜，鹹淡剛剛好，豆乾都嗦左芹菜既鮮甜味，味道一流！飯後甜品我地就要左個酒釀丸子，一打開蓋就聞到淡淡的嘅酒香味，又有桂花既香氣，加埋紅棗枸杞，呢個甜品真係又香又甜蜜啊！糯米同丸子都煙煙韌韌，口感好正！係好滿足既一餐