楓樹圍 (已結業)

星期六同朋友共兩人搵食飯食，就行過去大角咀市政大廈，今次幫襯楓樹圍。街市大排檔地可有點污糟，而且食客講野大大聲，正正就是大排檔風味，入到去問阿姐兩位，阿姐剛修拾一張12人大檯並叫我兩人坐低，因為無細檯，之後都有人搭檯，呢點我們不太介意。先送上一碟鹹花生，睇餐牌點菜，點了：1. 鹽水蜆 - $65大大碟好多蜆同粉絲，加上炸菜，蜆雖然唔大隻但好入味，忍唔住飲兩啖鹽水，好好味。2. 黃金蝦 - 餐牌裡面無，問阿姐佢話$95，上菜時見到鹹蛋黃不多，但入口卻滿是鹹蛋黃味，蝦算新鮮，好食。3. o者o者生腸煲 - $65材料都好豐富生腸豬潤洋蔥，豬潤嫩滑夠甜，生腸爽脆，好食。另外叫了幾支啤酒，整體而言菜式很有大排檔風味，碟碟大堆頭好抵食。