影片
更多
2018-07-09
782 瀏覽
同事們吹雞想食大排檔，帶咗我嚟屯門工廠區嘅熟食市場，佢哋係屯門友先識路來。而家嘅大排檔真係買少見少，呢個大排檔都好多人食嘢，估唔到咁旺。除咗戶外嘅座位，仲有室內嘅冷氣房，不過炎炎夏日，冷氣房已滿座，所以我哋都係坐返戶外，感受下大排檔嘅氣氛都好，有一大把風扇吹住我哋，又唔覺得熱。職員介紹呢度嘅海鮮好食，因為佢哋自己喺魚市場攞貨返嚟，日日新鮮，又抵食。除咗小菜之外，仲有打邊爐，不過我哋食大排檔都係想食小菜多啲。 炎炎夏日，飲冰凍啤酒汽水最消暑！何況食大排檔香口嘢，點都要有啤酒先夾。小炒皇$108呢碟小炒皇超推介！大大隻蝦乾，睇見都流口水！食落超香，整道菜用料充足， 魷魚絲、銀魚仔、菜脯、韭菜、腰果，份量超多，好大碟！最緊要係炒得夠乾身，唔會水滴滴， 銀魚仔、魷魚絲都炸過先再炒，鹹鹹哋又香口，煙韌有嚼勁，好惹味啊！ 冰淋醬烤骨$88好好味！外層走過油，炸到微微脆，裏面肉質還很爽口，有肉汁，口感非常好！味道方面，是燒烤醬，鹹鹹地又甜甜地，但不會濕淋淋，有醬汁得嚟又夠乾身，好正！食肉獸必點！豉汁蒸白鱔(例牌) $128例牌份量都唔算少，覺得是正常份量。用咗好多豉汁、陳皮、蔥來調味，鋪滿曬成碟 白
除咗戶外嘅座位，仲有室內嘅冷氣房，不過炎炎夏日，冷氣房已滿座，所以我哋都係坐返戶外，感受下大排檔嘅氣氛都好，有一大把風扇吹住我哋，又唔覺得熱。
職員介紹呢度嘅海鮮好食，因為佢哋自己喺魚市場攞貨返嚟，日日新鮮，又抵食。除咗小菜之外，仲有打邊爐，不過我哋食大排檔都係想食小菜多啲。
炎炎夏日，飲冰凍啤酒汽水最消暑！何況食大排檔香口嘢，點都要有啤酒先夾。
小炒皇
$108
21 瀏覽
0 讚好
0 留言
小炒皇$108
呢碟小炒皇超推介！大大隻蝦乾，睇見都流口水！食落超香，整道菜用料充足， 魷魚絲、銀魚仔、菜脯、韭菜、腰果，份量超多，好大碟！最緊要係炒得夠乾身，唔會水滴滴， 銀魚仔、魷魚絲都炸過先再炒，鹹鹹哋又香口，煙韌有嚼勁，好惹味啊！
冰淋醬烤骨
$88
14 瀏覽
0 讚好
0 留言
冰淋醬烤骨$88
好好味！外層走過油，炸到微微脆，裏面肉質還很爽口，有肉汁，口感非常好！味道方面，是燒烤醬，鹹鹹地又甜甜地，但不會濕淋淋，有醬汁得嚟又夠乾身，好正！食肉獸必點！
豉汁蒸白鱔(例牌) $128
例牌份量都唔算少，覺得是正常份量。用咗好多豉汁、陳皮、蔥來調味，鋪滿曬成碟 白鱔。蒸的火候剛好，白鱔肉質非常嫩滑，泥味不算重， 因為陳皮癖走腥味，而陳皮味道好香，覺得呢度用的調味料頗有質素。
白灼鵝腸$108
真係超大碟，下面鋪滿芽菜、韭菜。鵝腸是每日新鮮的，不是急凍，所以白灼的話口感也非常滑，又唔韌。如果不新鮮、煮得過龍，都會好韌咬唔爛，但係呢碟鵝腸又滑嘟嘟，好易食喎，真係新鮮的。
白灼鵝腸是冇味的 ,一定要點辣椒豉油，鹹鹹哋微辣，增添惹味。不過咁大碟，要多啲人先食得曬。同埋食內臟又未必個個啱，怕肥嘛，但係呢度的鵝腸唔算太肥，腸裏面清得好乾淨，所以我一個人都食咗半碟。
三個人食四碟小菜，已經非常飽，埋單$460,大排檔價錢嚟講，比其他地方貴d，不過食物大大份，而且用料新鮮，味道好味，收你呢個價錢，真係畀番咁多嘢你，所以要加分。咁大碟，最好約多幾個人一齊食，可以試多啲食物，同埋唔驚食唔曬，咪做大晒鬼。
張貼
