老鍋台式火鍋 (京都廣場) (已結業)

好味大滿足邊爐 😋前排約舊同事食飯，佢話想 encore 返之前 farewell 去食嘅老鍋，我都想 encore 啊 🤤 一於拿拿聲 book 檯去回味下 😆酸菜白肉拼秘製麻辣鍋🥘 老鍋秘製麻辣鍋 藥材同香料味都幾濃～ 個湯仲有鴨血同凍豆腐，勁足料 👍🏻 我地就揀左少辣，香香地都已經夠惹味！食得辣嘅可以試下中或者大辣呢 😋🍲 老饕酸菜白肉鍋 秘制大白菜配埋肥美嘅豬王花腩，仲有寬粉 😍 酸酸地都幾醒胃 🤤綜合手工丸拼盤墨魚丸+蝦丸+流心鹹蛋黃豬肉丸+梅菜豬肉丸+芝士牛肉丸打邊爐點可以無丸！呢個手工丸拼盤都算豐富 😍 用料新鮮又彈牙，調味都唔錯 🤤 最鍾意流心鹹蛋黃豬肉丸，特別得黎又好食 🫶🏻手切安格斯牛小排新鮮又肥瘦適中，輕輕拖一拖好滑啊 🤤水耕菜新鮮水耕菜夠爽甜，打邊爐點都要食少少菜先健康嘛 🙌🏻鹹蛋黃炸魚皮又係打邊爐必食！魚皮炸得又香又脆，仲要好多鹹蛋黃 🫶🏻