樂天經典 (奧海城二期)

營業中

休息中

天氣太熱，想留返係商場入面食lunch，去左呢間位於奧海城二期既樂天經典。呢間樂天經典係新加坡菜，有招牌蝦湯，叫左大蝦米線湯同大蝦河粉，河粉雖然無蝦湯，但有好濃蝦湯醬，啲河粉炒到好乾爽，又炒得獲氣，撈埋啲新鮮蝦湯醬，十分好味。個米線配上兩隻大蝦，米線份量岩細食既女生，而兩隻大蝦好大隻，啲肉好實正，係新鮮既蝦，個湯好鮮甜，忍唔住飲晒個湯。最後我地仲想悢個甜品，叫埋清心丸綠豆爽同椰汁西米湯圓，細細碗適合天氣熱食啲清涼野。