旺記冰室 (大本型) (已結業)

爲食熊上個禮拜做跟得男友兼攝影師，大熱天時係幫女友一個景影幾百張，好彩下午茶時間食左個好正嘅旺記茶餐，先至補得翻體力。我地去嘅旺記冰室係喺油塘大食代入面，呢間應該係新開嘅。之前主要幫襯尖沙咀分店，但由於近旅客區，所以通常都要排隊排到天荒地老先有得食。今日好好彩，都係等左5-10分鐘就有位。我叫左個叉燒滑蛋飯，配凍檸水。旺記呢個滑蛋飯真係個食過最好嘅，唔講佢個叉燒啦，佢個叉燒一定係做到基本要求啦。要欣賞嘅係佢個蛋，煮得超級滑，入口係即溶個種，勁似soufflé 嘅texture ; 加埋個甜醬油真係不得了，個甜醬油係成碟飯嘅靈魂，有種說不出聲嘅好食啊! 女友個蝦仁滑蛋都正，個蝦仁係超爽口。