炑八韓烤 (瓊華中心) (已結業)

放假同小朋友出咗去食燒肉，呢間燒肉我好鍾意佢哋嘅配菜，今日就過嚟食午餐發覺午餐真係超級抵食。一坐低店員就即刻遞上泡菜蛋液同芝士粟米，雞蛋10分嫩滑，芝士粟米香甜濃郁。鹽蔥牛舌配迷你韓式麻藥蛋飯牛舌口感爽脆，輕輕一燒已經食得，麻藥蛋蛋味香濃，味道香甜。鐵板烤牛肉葷菇飯牛肉份量非常多，入口軟林，加上大量菇令到口感豐富，鐵板上熱辣辣，仲有少少飯焦。炸雞和薯條新鮮炸起，薯條香脆可口，炸雞外皮香脆，入面好Juice，雞肉嫩滑。焦糖脆餅雪糕杯雪糕香濃幼滑，加上焦糖脆餅20分好味。薑橙梳打非常夠姜，橙味清新，我入口唔會太過甜幾好飲。