翠林冰廳 (已結業)

難得今日唔使返工，就去咗屋企附近食嘢，見呢度開咗間新餐廳，話係食酸菜魚專門店，就決定入去試吓餐廳有幾款四川菜式，例如酸菜魚，水煮魚，水煮牛，另外佢都仲有一啲普通茶餐廳嘅常餐例如西多炸髀見佢招牌話係酸菜魚專家我就叫咗個酸菜魚餐跟個白飯，酸菜魚上枱嘅時候已經聞到一陣香味，見到上面鋪滿左魚片，食落去魚片好鮮嫩，個湯飲落去仲幾好味添朋友就叫咗個水煮安格斯牛配螺絲米線，揀咗小辣，同樣地佢個安格斯牛肉都好出色，感覺好似係手切嘅牛肉，幾重牛肉味同嫩滑，米線入面仲好多配料，有木耳，豆芽，萵筍，好豐富走嘅時候仲見到佢新張期間做緊外賣九折，下次晚餐都可以試吓