文聚料理(分子) (已結業)

我估呢個店可能係用低溫煮法將啲食材整到好嫩滑，所以先至有分子之稱。禮拜日同個老友來食，時而點搭正入到來，冇其他客，任坐。 半份蝦丸，有五粒，表面微焦，香氣撲鼻，咬落彈牙，味道算清淡，真係幾好食；半隻水晶雞，樣就正常，食落先知原來更加好食，好嫩滑， 味道又安安好；牛肉牛筋蘿蔔煲，好大份，伴飯一流，都係好淋嘅口感；再加一碟娃娃菜，兩條友食到飽，店家送嘅糖水都只能分咗一碗試下味道，雪耳紅棗羹，唔太甜，好味。