台北巷弄 (已結業)

戲院開左咁耐都冇去睇電影，今日去到將軍澳睇戲，睇完之後打算去下附近買野食返屋企食，經過依間就諗起上次冇試佢嘅飯就覺得可惜，所以又買左依間嘅野食。今次叫左鹽酥雞粒台灣香腸飯，上次食過鹽酥雞，就覺得佢好好味，因為食落鹹鹹地同幾香脆，係有醃製過，今次都冇失準，而香腸口感紮實，嚼勁十足，煙韌多汁，同台灣夜市嘅差唔多。最開心嘅係滷肉飯，真心係台灣必食嘅野食，令人回味無窮，半肥瘦嘅滷肉係最滋味。珍珠奶茶就係好耐都冇飲過，味道同出面手搖店差唔多，今次叫左少糖，甜度適中，珍珠食落都煙韌。食完飯就要食碗甜品，上次就試過紅豆2號，味道依然令人難以忘記，但今次嘅紅豆冇上次咁淋，但甜度都適中，而手工芋圓比較硬身。