小叻沙 (已結業)

灣仔原來新開左一間馬來西亞風味嘅喇沙餐廳，lunch 又有新野去試吓！好開心！我去幫襯嘅時候正值世界盃，裝修二世界盃為主題，幾得意！有好幾款唔同嘅喇沙同小食去選擇。呢個係10吋半長大虎蝦喇沙，真係好大！好香！上到枱都好開心！隻虎蝦好厚肉，有輕微嘅燒焦香味！但一啲都唔鞋口，非常香！有小小響星馬街邊檔嘅感覺！切開仲有好多蝦膏係中間，蝦膏好香！喇沙湯底不錯！香椰味！麵底係傳統喇沙鴛鴦麵，好正！而且米粉同油麵都唔腍，好索湯，所以好香甜！仲叫咗一碟通菜食！好嫩，無咩渣，唔錯，旁邊嘅我唔知係咩醬，但食落幾香！檸檬茶算係正正常常。無咩特別啦，但整餐感覺唔錯。有下次的！