佳記甜品

營業中

休息中

我係元朗長大，元朗讀書嘅時候，呢間糖水店對我黎講好有情懷。以前同朋友食完飯就話去呢間糖水店食糖水，好開心咁樣。今次朋友返嚟，佢有個心願就係要食返呢間糖水店嘅糖水。我自己都好耐冇食啦，不過驚喜嘅係味道依然好好。啲小食唔會煮得太老，咖喱魚蛋同蘿蔔嘅咖喱味道好夠，仲有啲咖喱香味。糖水又夠凍夠味，唔會太甜。仲有就係啲回憶啦，以前同朋友去食糖水嘅時候嘅情況同感覺，好懷念。