影片
更多
2021-11-08
873 瀏覽
觀塘出名多美食，前幾日男朋友帶咗我去食一間隱世打冷，整體超正，真係要bookmark! 鋪頭都幾近地鐵站，行5分鐘唔洗就到，夜晚七點左右去到已經好旺場，餐廳地方闊落環境乾淨，菜色多樣有唔同嘅海鮮，潮州打冷小菜，鑊氣小炒可以選擇。我哋一於叫多幾樣嚟食。蠔餅： 好大份好抵食，炸到好酥脆，入面蠔仔數量都好多，每粒大大粒，可惜我同男朋友都唔飲酒嘅，如果唔係用嚟送酒真係一流。乳鴿：紅燒乳鴿切開左4件，外皮脆卜卜，又香又多汁，肉質仲好鮮嫩，為咗呢個乳鴿我哋仲叫多碗飯。蒜蓉粉絲蒸蟶子：我哋前後嗌咗兩次因為真係太好食啦，調味剛剛好，好重蒜味，粉絲索曬汁，好濃味好正。 蟶子蒸到啱啱好，鍾意食海鮮嘅我真係停唔到呀，差啲要嗌埋第三次。蒜蓉蒸元貝：元貝上面有好多粉絲，超大粒，好嫩仲食到一絲絲嘅口感椒鹽墨魚咀：同樣地係好大份，多到數唔到有幾多粒喇，外皮包住薄薄嘅炸衣，椒鹽味好突出，夠曬惹味，墨魚嘴就夠曬煙韌但唔會好難咬，同樣如果用嚟送酒就真係一流。雪梨茶：因為食得太多煎炸嘢，要叫杯黎飲下，雪梨茶香甜清新 ，好有家的感覺。食完仲有甜品送，係椰汁馬豆糕，食落香甜又滑溜👍🏻👍🏻
鋪頭都幾近地鐵站，行5分鐘唔洗就到，夜晚七點左右去到已經好旺場，餐廳地方闊落環境乾淨，菜色多樣有唔同嘅海鮮，潮州打冷小菜，鑊氣小炒可以選擇。我哋一於叫多幾樣嚟食。
蠔餅：
好大份好抵食，炸到好酥脆，入面蠔仔數量都好多，每粒大大粒，可惜我同男朋友都唔飲酒嘅，如果唔係用嚟送酒真係一流。
乳鴿：
紅燒乳鴿切開左4件，外皮脆卜卜，又香又多汁，肉質仲好鮮嫩，為咗呢個乳鴿我哋仲叫多碗飯。
蒜蓉粉絲蒸蟶子：
我哋前後嗌咗兩次因為真係太好食啦，調味剛剛好，好重蒜味，粉絲索曬汁，好濃味好正。 蟶子蒸到啱啱好，鍾意食海鮮嘅我真係停唔到呀，差啲要嗌埋第三次。
蒜蓉蒸元貝：
元貝上面有好多粉絲，超大粒，好嫩仲食到一絲絲嘅口感
椒鹽墨魚咀：
同樣地係好大份，多到數唔到有幾多粒喇，外皮包住薄薄嘅炸衣，椒鹽味好突出，夠曬惹味，墨魚嘴就夠曬煙韌但唔會好難咬，同樣如果用嚟送酒就真係一流。
雪梨茶：
因為食得太多煎炸嘢，要叫杯黎飲下，雪梨茶香甜清新 ，好有家的感覺。
食完仲有甜品送，係椰汁馬豆糕，食落香甜又滑溜👍🏻👍🏻
張貼
