蘭芳茶餐廳 (已結業)

我同朋友都好鐘意去茶餐廳，因為這些茶餐廳都有香港嘅特色今次去左經朋友多次介紹嘅銅鑼灣蘭芳茶餐廳，都有平時港式茶餐廳嘅水準 今次我食左個茶餐，包括有叉燒通粉、牛油餐包同埋火腿奄列，飲左杯熱奶茶雖然我覺得個餐包嘅牛油就多左d，但甜甜地都幾好食，火腿奄列係港式茶餐廳既整法，蛋有特別既味，好食呀朋友就叫左個炸雞翼配薯條，咁佢都覺得幾好味，但始終炸野都係油左d速度好快，落單冇幾耐都即到正常地凍飲同特別野飲要加錢，但每人都係廿幾蚊埋單算係抵食但伙計有d過份熱情，令我有d怕怕整體感覺都良好，我會再去食