容記小菜王

營業中

休息中

今日同家人係太子想食鑊氣小炒，就想起附近嘅容記小菜王。不但鑊氣小炒色香味俱全，而且份量十足，絕無花假。平時約埋三五知己嚟吹大啤，容記小菜王仲有好多款特色美食配大啤，真係人生一大享受😋。今晚點咗幾款精美嘅小炒，真係回味無窮呀！👍🏻容記小炒皇以韮菜，腰果，蝦仁，魷魚，蝦乾同魚仔炒香，送酒簡直係一流；韮菜花爽脆，腰果、蝦乾、魚仔炸到甘香，蝦仁同魷魚又鮮味，送飯都食多兩碗呀！麻香海蜇海哲彈牙爽脆，麻香油惹味微辣，飯前小食之選攞獎燒肉 - 揚名國際未食見到果幾層肉就已經流晒口水，肉質軟嫩，入口即化，皮脆肉香，值得一試再試。薯角和牛粒薯角炸香，和牛肉質軟綿，再以蜜糖炒香，非常入味，薯角及和牛粒切到大細剛好，一啖一口，正呀！濃湯海鮮什菜煲不得不推介這個濃湯海鮮什菜煲，一煲滿足你三大要求。首先，湯料超多，係超多份量，什菜都有幾種不同種類，可以滿足要多食菜嘅要求；第二海鮮有蝦仁、貴妃蚌同帶子，份量都係好多，令到湯底好鮮味；第三配菜仲有粉絲同菇，增添湯底鮮甜味，飲落啖湯真係好正，鐘意飲湯嘅你，都可以同時滿足晒！整體容記小菜王真係值得推介，價錢合理，份量十足，服務態度好，值得大家一試 👍🏻！