影片
更多
2019-12-16
26 瀏覽
自從去完泰國旅行之後，就愛上左泰國菜，最近呢幾年泰國餐廳係香港愈開愈多，但係想搵一間好食既泰國餐廳都唔係咁易，曾經係上水都有一間泰國餐廳我幾鐘意，但可惜已經執左，正當我諗緊上水邊到有好食既泰國餐廳時，朋友介紹左呢間新開既泰國餐廳。一去到間餐廳，環境唔錯，枱同枱之間既距離唔會太近，所以朋友之間傾計都幾好，唔會怕好易比隔離聽到而會好尷尬，之後一睇個餐牌，真係花多眼亂，選擇唔少，可惜我地得兩個人食，唔食得幾多野，所以最後都係揀左三樣野食同野飲就夠。ＭＥＥ喇沙 ＄８２呢個喇沙ｏ的料都幾足，入面有蝦有蜆肉，重有其他料都幾豐富，雖然平時唔多食喇沙，但佢既味道都唔錯，微辣岩唒我呢ｏ的唔食得辣既人炒金邊粉 ＄７４炒金邊粉係我最愛既泰國菜之一，金邊粉既材料好豐富，有原隻鮮蝦、香蔥、芽菜、豆腐干等等，味道口感都非常有特色。鮮蝦真係又鮮又彈牙。係碟邊配有花生碎、辣椒碎、糖等等，適合唔同人既口味，而且炒金邊粉濕濕地唔乾口，少少酸既味道真係令人一食就停唔到口，好快就比我食唒地道串燒 ＄６８呢個串燒有雞牛各兩串，碟串燒一黎到，賣相比想像中重要吸引，配有沙嗲醬同酸汁，個人特別鐘意沙嗲既味道，雞牛串燒同沙嗲既味道特別
一去到間餐廳，環境唔錯，枱同枱之間既距離唔會太近，所以朋友之間傾計都幾好，唔會怕好易比隔離聽到而會好尷尬，之後一睇個餐牌，真係花多眼亂，選擇唔少，可惜我地得兩個人食，唔食得幾多野，所以最後都係揀左三樣野食同野飲就夠。
ＭＥＥ喇沙 ＄８２
呢個喇沙ｏ的料都幾足，入面有蝦有蜆肉，重有其他料都幾豐富，雖然平時唔多食喇沙，但佢既味道都唔錯，微辣岩唒我呢ｏ的唔食得辣既人
炒金邊粉 ＄７４
炒金邊粉係我最愛既泰國菜之一，金邊粉既材料好豐富，有原隻鮮蝦、香蔥、芽菜、豆腐干等等，味道口感都非常有特色。鮮蝦真係又鮮又彈牙。係碟邊配有花生碎、辣椒碎、糖等等，適合唔同人既口味，而且炒金邊粉濕濕地唔乾口，少少酸既味道真係令人一食就停唔到口，好快就比我食唒
地道串燒 ＄６８
呢個串燒有雞牛各兩串，碟串燒一黎到，賣相比想像中重要吸引，配有沙嗲醬同酸汁，個人特別鐘意沙嗲既味道，雞牛串燒同沙嗲既味道特別夾，而且串燒岩岩燒出黎熱辣辣又唔乾，配合沙嗲醬好惹味
西柚芝芝冰 ＄３５
炭培烏龍奶茶 ＄２４
奶茶黎講除左港式熱奶茶外，烏龍奶茶亦係我既最愛之一，用烏龍茶底黎整奶茶係別有一番風味，烏龍茶既味道配合奶，令人一試難忘，而呢間鋪既烏龍奶茶比起出面既茶飲品鋪一ｏ的都唔會輸
最後賣單＄３１１，夜晚兩個人食呢個價位，食到飽唒，都唔錯
37 瀏覽
0 讚好
0 留言
張貼
