魚之神日本料理 (已結業)

星期日要加班，返到屋企附近已經9點幾，禁夜都唔知有咩好食，老婆話地盆鐵站對面有間日本野收11點，於是過去睇下，店舖整整齊齊，都有唔少選擇，仲有晚飯套餐仲幾抵食，因為老婆食左少少野，所有散點幾款。壽司有手卷、反卷等，我點左最愛蟹柳卷同蔥花吞拿魚腩卷，雖然細細件，但內餡好足，見到蔥花吞拿魚腩份量十足。牛肉鍋燒烏冬味噌湯底香濃，仲加左隻溫泉蛋，烏冬係手打，口感煙韌、入口彈牙，肥牛算肥，老婆就好鍾意，我就鍾意較瘦d~南瓜蕃薯天婦羅，即點即炸，放入口仲熱哄哄的，炸到香脆可口，我雖然鍾意食蕃薯天婦羅，但今次就比較推介南瓜天婦羅~