影片
更多
2018-11-28
128 瀏覽
之前去台灣食過台式臭臭鍋，一路都念念不忘。聽朋友介紹尖沙咀開左間專食臭臭鍋嘅餐廳--8鍋臭臭鍋，係時候要去懷緬一下啦！今日天氣有少少轉涼，激起左我想食辣嘅意慾，所以今次挑戰臺式麻辣鍋，仲要係食最辣辣度！再另外叫杯芒果鮮奶沙冰，等我一時衝動都有番杯凍飲補底～醬料係三款常見調味料，鼓油、蒜泥、沙茶醬。店方都幾有心思，講左最佳比例(3+2+1)，等唔識嘅人可以依法炮製，亦可因個人口味自行調配，每個人都可以食到自己鍾意嘅醬。芒果鮮奶沙冰先上，好有台式飲品嘅特色（尤其包裝），沙冰口感唔錯，芒果味有D淡，不過飲得出係唔想搶牛奶味，整體上幾清新，不過不失。等左一陣，火鍋一出現係我眼前就知道今次不得了，只能用四個字形容--鮮血沸騰！鍋內紅到好似用辣椒油做湯咁，更誇張嘅係淨係蒸氣已經攻到我流眼淚，唔知係感動嘅淚水定係後悔叫太辣嘅淚光呢。麻辣鍋配料十足，多到差d 裝唔哂，淨係講擺盤都十分有氣勢，夠疊馬丫嘛。有娃娃菜、凍豆腐、金菇、炸枝竹、青豆角、牛肉片、麻辣餃、甜不辣、魚蛋、豬紅、沙白、米血糕、大腸、魷魚圈、泡麵、嗚門卷，另外我加左碟牛肉片同粉絲。整體而言麻辣鍋水準十分唔錯，辣味勁道十足，配料比我預期更多
今日天氣有少少轉涼，激起左我想食辣嘅意慾，所以今次挑戰臺式麻辣鍋，仲要係食最辣辣度！再另外叫杯芒果鮮奶沙冰，等我一時衝動都有番杯凍飲補底～
醬料係三款常見調味料，鼓油、蒜泥、沙茶醬。店方都幾有心思，講左最佳比例(3+2+1)，等唔識嘅人可以依法炮製，亦可因個人口味自行調配，每個人都可以食到自己鍾意嘅醬。
芒果鮮奶沙冰先上，好有台式飲品嘅特色（尤其包裝），沙冰口感唔錯，芒果味有D淡，不過飲得出係唔想搶牛奶味，整體上幾清新，不過不失。
等左一陣，火鍋一出現係我眼前就知道今次不得了，只能用四個字形容--鮮血沸騰！鍋內紅到好似用辣椒油做湯咁，更誇張嘅係淨係蒸氣已經攻到我流眼淚，唔知係感動嘅淚水定係後悔叫太辣嘅淚光呢。
麻辣鍋配料十足，多到差d 裝唔哂，淨係講擺盤都十分有氣勢，夠疊馬丫嘛。
有娃娃菜、凍豆腐、金菇、炸枝竹、青豆角、牛肉片、麻辣餃、甜不辣、魚蛋、豬紅、沙白、米血糕、大腸、魷魚圈、泡麵、嗚門卷，另外我加左碟牛肉片同粉絲。整體而言麻辣鍋水準十分唔錯，辣味勁道十足，配料比我預期更多更好食。下面講下我覺得最好食最推介個幾款：
麻辣餃，皮薄又唔軔，成隻餃由外而內吸左湯汁，餡料多汁又入味，正！
牛肉片，肥瘦度適中，牛味幾足，乃火鍋必備之物。
炸枝竹，索哂湯汁之後口感一流，味道濃郁。
豬紅，整體上好結實，啖啖爽口彈牙，唔錯！
沙白，食得出係幾新鮮，鮮甜味道配上重辣味，非常好食。
一路食一路辣到抖大氣，但又幾過癮，食得辣嘅朋友一定要試！
雖然店面主打臭臭鍋係一人鍋，實際份量我諗一男一女都夠食，價錢仲平過放題火鍋，物超所值。呢度食物好、價錢親民、環境服務都唔錯，絕對會有下次！
張貼
