影片
更多
2021-11-23
18 瀏覽
平日經過旺角，原來金雞廣場入面都開咗唔少餐廳！餐廳裝修簡單，啲枱都偏向比較大張，適合一大班朋友過嚟聚會傾偈～當日我哋下午去到，叫咗兩個老闆娘推薦嘅招牌set lunch。西班牙無骨豬柳（$78）餐牌上面對食物嘅形容好準確！食物上枱嘅時候已經睇得到豬樓表面嘅油花好重，望落去令立立咁，令人食慾大增！食落口豬肉嘅味道非常濃郁，而且肉質係超級鬆軟，食到好香嘅油脂味，你個豬柳配埋飯一齊食我相信更加一流，不過今次我就叫咗薯菜，不得不提個薯菜做得好好，個薯角炸得好脆，非常香口🤣西班牙無骨豬扒（$78）豬扒雖然望落去比較乾，但係咬落去嘅時候仍然感覺到入面非常多肉汁！而且肉質都係一樣非常鬆軟，呢款肉比起豬柳會更有口感，如果鍾意有咬口嘅你可能會鍾意呢款多啲，但係我個人就鍾意油花重啲嘅豬柳🤣總括嚟講呢間餐廳性價比都幾高，老闆娘介紹嘅招牌菜都好抵食，喺附近返工嘅你哋都可以嚟試吓
平日經過旺角，原來金雞廣場入面都開咗唔少餐廳！餐廳裝修簡單，啲枱都偏向比較大張，適合一大班朋友過嚟聚會傾偈～
當日我哋下午去到，叫咗兩個老闆娘推薦嘅招牌set lunch。
西班牙無骨豬柳（$78）
餐牌上面對食物嘅形容好準確！食物上枱嘅時候已經睇得到豬樓表面嘅油花好重，望落去令立立咁，令人食慾大增！食落口豬肉嘅味道非常濃郁，而且肉質係超級鬆軟，食到好香嘅油脂味，你個豬柳配埋飯一齊食我相信更加一流，不過今次我就叫咗薯菜，不得不提個薯菜做得好好，個薯角炸得好脆，非常香口🤣
西班牙無骨豬扒（$78）
豬扒雖然望落去比較乾，但係咬落去嘅時候仍然感覺到入面非常多肉汁！而且肉質都係一樣非常鬆軟，呢款肉比起豬柳會更有口感，如果鍾意有咬口嘅你可能會鍾意呢款多啲，但係我個人就鍾意油花重啲嘅豬柳🤣
總括嚟講呢間餐廳性價比都幾高，老闆娘介紹嘅招牌菜都好抵食，喺附近返工嘅你哋都可以嚟試吓
張貼
