手作之店 (已搬遷) 新店位置

第二次食呢款雪糕，仲要係同一個味道，雖然在不同分店，但味道依然一級棒。雪糕既質地好結實，食落有d黏口，而且非常之咁滑，加上本身已經軟化左既曲奇，口感多左一個層次，好豐富。雪糕本身好重牛奶同雲妮拿味，配合味道亦都好濃既朱古力曲奇，簡直可以話係互相輝映。最後係個脆筒，有別於一般快餐店的威化質地，佢係硬身小小既，但係都好脆，唔會一咬就四分五裂。樣樣野都幾好，所以日後一定會繼續光顧。