老馮茶居 (海寶花園)

好好味既點心店💛💛💛 可以再encore店內位置唔多，中間圓枱仔加隔板，兩人坐一邊，位置有d窄。點心唔算多選擇，勝在特別同好味。必叫 流沙芋泥包 - 勁好味，最好趁熱食，以免凍左唔流沙，個包既甜度岩岩好，唔會變左甜點，包x先生都有個芋頭包，但係無得比，鐘意食芋頭一定要叫呢個，如果有賣生包可以拎返屋企蒸黎食就好🤩沙嗲金錢肚 - 唔辣，好入味，味道唔錯。沙嗲豬大腸 -（利申：我係食八x雲集既麵線都覺得有陣（異）味，完全唔食）同金錢肚既調味係一樣既，係友人既強烈推薦下，我試左兩三嚿，沙嗲味都幾濃，細細嚿就唔會好覺有怪味，我都覺得幾好食，但一食左大嚿小小就頂唔順🙈，如果同我一樣，建議可以試細細嚿😂XO醬蘿蔔糕 - 好熱氣既點心，炸到外脆內軟，加上xo醬炸芋角 - 好濟🙈 芋頭版鹹水角，雖然鐘意食芋頭但可能叫太多，食到呢個就覺得普通。雖然舖頭位置唔好坐，選擇唔多，不過好味又抵食，淨係芋頭包都值得再黎💛