京林屋 (已結業)

一直都好鍾意食抹茶甜品 今日行圓方咁啱見到呢間鋪 環境幾舒適 而且仲有好多人客 就一於試吓啦呢度嘅抹茶同焙茶甜品選擇都唔少㗎 望見喺櫥櫃入邊嘅食物都幾吸引掙扎左好耐終於決定試呢四款甜品 同時又可以試吓抹茶同焙茶嘅味道 哈哈不過呢度原來係採取堂食自取嘅模式 落完單自己去搵位 等鐘響起先可以去拎我哋嘅甜品見到抹茶卷蛋係人氣NO. 1 當然要試吓啦 抹茶卷蛋好鬆軟 茶味濃 尤其是中間嘅抹茶忌廉既幼滑又香濃 忍唔住食得好快 另外配上抹茶雪糕紅豆同埋白玉就更豐富啦特製林屋抹茶餡蜜都唔錯 可以一次滿足幾個願望入邊包含好多配料抹茶雪糕抹茶蕨餅 白玉 啫喱等等 有好豐富嘅層次焙茶芭菲好驚喜焙茶雪糕味濃郁 又好滑 食後慢慢有啲回甘嘅味道 配上紅豆白玉啫喱忌廉等等 有好豐富嘅層次係我今次最鍾意嘅甜品秘製抹茶蕨餅呢個包裝好適合外賣返屋企 食唔曬都唔擔心蕨餅真係好正 幾彈牙 而且仲有抹茶粉同黑蜜糖 可以自行添加調節份量就返個人口味抹茶紅豆白玉特飲都幾唔錯架 賣相都好吸引