博多拉麵別天神 (已結業)

今日一條友喺尖沙咀嗰度躝街，行到夜晚食飯時間見少少肚餓就想食啲日本嘢，咁岩見到別天神唔算多人排隊就入咗去食。咁我就嗌咗個別天神套餐，豬骨湯麵配左四隻餃子同加埋罐可樂，成個餐大概110蚊左右。豬骨湯麵個湯底好濃，豬骨味好香，飲完一啖一啖，真係一滴都唔想嘥。拉麵彈牙，唔會話煮得太耐軟曬。流心蛋都好好食，叉燒就硬少少，但係一啲都唔肥膩，整體嚟講都算ok。餃子香脆熱辣辣，裏面仲有啲肉汁，唔會話好乾，都可以嘅。抵唔抵食就見仁見智啦。不過如果你鍾意食拉麵，呢度嘅味道應該唔會令你失望。