巨一麵堂 (已結業)

一條友咁啱喺呢頭攪完野,經過覺得裝修几日本風,見到我喜歡嘅牛舌都係招牌菜,又諗唔到食咩，就一條友貢咗入去試喇，個服務員仲有一個係日本人添,英文佢都不是太懂,但可以指圖片~我叫咗個醬油牛舌拉面5片~有2片揀，會平d,但我緊係揀5片啦～裡有d木耳嘅物體,好爽,個湯麻油味香,鍾意食麻油就不要錯過,牛舌薄,同厚燒嘅質感同味道有d分別,但都好食嘅,麵中間加咗小小牛油,令牛舌更香,麵彈牙有咬口,我食得咁慢都唔變稔,食到底仲有大量胡椒，連埋d葱花食几正~餃子淨睇外觀就几脆，一食落去都真係不負期望,皮薄,仲要個汁有少辣比較驚喜整體嚟講環境清淨唔嘈吵, 得一長bar枱，另外有几張二人枱同一張大枱可坐8人，仲另癖一角添~如果多人就最好打個電話先好d,服務員仲一眼關七,唔錯。