越北牛肉粉專門店 (已結業)

夏天熱辣辣嘅夜晚，冇咩胃口食飯咁不如食個粉，有熱湯粉，有撈檬，有小食，緊有一款揀得啱。一入舖頭環境光鮮明亮，侍應服務都好好，會介紹吓有咩係招牌今晚就食兩碗粉加個小食先。青木瓜沙律。青木瓜蘿蔔絲經過醃製之後，口感依然保持爽脆，酸酸地又凍凍，開胃又醒神。越北綜合牛肉湯河粉。牛丸係佢哋嘅招牌，綜合就有齊牛肉同牛丸，牛丸剛好一口一粒，成粒放落口一咬，粒丸裏面既肉汁精華就爆出黎，多汁而且彈牙。生牛肉一啲都唔薄，有返小小厚度，咬落去好有口感香茅牛肉撈檬。落撈檬汁之前梗係要先試下個牛肉，首先香茅並沒有蓋過牛肉味，而且牛肉嫩口，配上適量花生香蔥，令口感味覺層次提升，然後加入撈檬汁，酸甜清新，將夏天嘅悶氣拋開