鋿晶館 (上水匯) (裝修中)

放假同屋企人經過上水匯經過見到開左間新中菜館，見menu 都啱食，所以決定試試佢。同屋企人試完之後整體感覺都幾好，揀咗幾款新派小菜推介大家可以試下😆📌熔岩芝士大蝦球椰菜花飯 $168 🥦蝦球有六粒大大粒，爽口彈牙🦐 配上大量熔咗嘅芝士食勁滿足😍 第一次見中菜館有椰菜花飯，椰菜花切碎成一粒粒，食落口感真係好似食緊白米飯，健康又飽肚。📌黑松露福果炒野生菌 $88🍄黑松露配搭唔同嘅菇類，木耳，西芹一齊炒，令到菇嘅香氣更加特出😋📌椒鹽軟殼蟹 $128 🦀有2隻，軟殼蟹外殼炸得金黃香脆，粉漿唔會太厚，面頭灑上椒鹽粉，十分惹味，送飯一流🤩