影片
更多
2021-01-17
544 瀏覽
今日老公同我一齊去左沙田新城市廣場行下，見到商場有稻成既廣告，幾靚下，就決定去試下。餐廳環境真係唔錯，座位濶落，服務亦好好。我地叫左個2人餐: 夫妻肺片、紅油抄手、酸菜魚(加左$160升級用龍躉黎做酸菜魚，餐廳送左兩杯豆漿)、清炒豆苗、高力豆沙(甜品)。豆漿好有豆味，亦唔會好甜，啱晒我口味。夫妻肺片用左牛展、牛肚、牛舌黎做，醬汁我覺得咸左少少，但個辣度非常正，食果陣唔覺點辣，但過後先開始辣出黎，好正。紅油抄手即係加左辣由既雲吞，雲吞好大粒，皮好滑，裡面既肉都好鮮甜，但個紅油稍為遜色左少少，但比起出面好多酒樓都好得多。酸菜魚用左龍躉，呢個酸菜魚同坊間既好多都唔同，配料並唔多，只有紅薯粉(紅薯粉只有係龍躉酸菜魚先有免費加)、酸菜、辣椒同花椒，但佢係酸菜魚上面洒左一D菊花，好靚，個魚頭同D骨係炸過既，炸到好脆，同D魚肉砌成一條魚咁上枱，呢個魚好滑，並冇加入好多生粉黎醃，食起上黎依然好有魚既鮮味，D紅薯粉又煮得好入味，成個黎講除左係冇平時食開既一D配料(萵芛、豆芽之類)，總體味道同外觀都好吸引。豆苗就普通D，食起上黎依然仲有輕微既草青味，但都可以接受。高力豆沙，好好味，外皮食起好輕盈，裡面係
餐廳環境真係唔錯，座位濶落，服務亦好好。
我地叫左個2人餐: 夫妻肺片、紅油抄手、酸菜魚(加左$160升級用龍躉黎做酸菜魚，餐廳送左兩杯豆漿)、清炒豆苗、高力豆沙(甜品)。
豆漿好有豆味，亦唔會好甜，啱晒我口味。
夫妻肺片用左牛展、牛肚、牛舌黎做，醬汁我覺得咸左少少，但個辣度非常正，食果陣唔覺點辣，但過後先開始辣出黎，好正。
紅油抄手即係加左辣由既雲吞，雲吞好大粒，皮好滑，裡面既肉都好鮮甜，但個紅油稍為遜色左少少，但比起出面好多酒樓都好得多。
酸菜魚用左龍躉，呢個酸菜魚同坊間既好多都唔同，配料並唔多，只有紅薯粉(紅薯粉只有係龍躉酸菜魚先有免費加)、酸菜、辣椒同花椒，但佢係酸菜魚上面洒左一D菊花，好靚，個魚頭同D骨係炸過既，炸到好脆，同D魚肉砌成一條魚咁上枱，呢個魚好滑，並冇加入好多生粉黎醃，食起上黎依然好有魚既鮮味，D紅薯粉又煮得好入味，成個黎講除左係冇平時食開既一D配料(萵芛、豆芽之類)，總體味道同外觀都好吸引。
豆苗就普通D，食起上黎依然仲有輕微既草青味，但都可以接受。
高力豆沙，好好味，外皮食起好輕盈，裡面係紅豆蓉，連埋外皮一齊食啱啱好，唔會好甜，食完想再食。
成個餐個份量都幾大下，我地兩個人都食唔晒D紅薯粉，食完真係超飽，我覺得呢個餐3個人食都絕對夠食。
前菜-花生、炸黃豆
10 瀏覽
0 讚好
0 留言
夫妻肺片
17 瀏覽
0 讚好
0 留言
紅油抄手
20 瀏覽
0 讚好
0 留言
酸菜魚
18 瀏覽
0 讚好
0 留言
清沙豆苗
20 瀏覽
0 讚好
0 留言
高力豆沙
25 瀏覽
0 讚好
0 留言
張貼
