麵屋一平安 (已結業)

今晚同屋企人來呢度食飯，雖然八點幾，但都無人等位。我地坐左一陣，就有熱毛巾俾我地抹手。真係幾好，而且好快有茶飲。我地叫左兩個拉麵、牛俐。前菜我連野食都未叫，就有野俾我食！果似係芽菜配一小舊既魚，又有泡菜味，都唔知食緊乜。薄燒牛俐整得好入味，但我覺得個份量太細。而且薄切無咁好食，我都係鍾意切粒既牛俐，個口感好好多。腩肉拉麵個湯底係豬骨湯，個湯好清甜又好飲。但豬肉就比較韌，好難咬開。炸雞拉麵等就等得幾耐，但都係值得既。炸雞新鮮炸好，肉汁豐富，夠哂juicy。如果炸雞既份量多點就好啦，因為唔多夠喉。仲有，我飲左大半碗湯都唔太口喝，無乜點落味精。侍應經常幫我地加水，唔錯，實有下次既。