潮州人 (已搬遷) 新店位置

今次又返返嚟太子附近開餐，打開openrice搵埋附近有無啲粉麵類型嘅餐廳輕食一下。睇睇下見到E間叫潮洲人嘅米粉店幾多好評，就入去試試佢喇！由太子地鐵站行過店舖，大概10分鐘以內嘅路程，非常方便快捷。😎入到嚟餐廳，地方唔算大，但格局分明。店員好有禮貌咁招呼我地坐好。望一望餐牌，決定點佢嘅招牌花膠米粉、清酒大蜆湯米同埋加咗份廣島蠔。🦪印象之中主打花膠米粉嘅舖頭並唔多，米粉吸收左花膠嘅味道，好似天然嘅調味料咁，花膠亦煮得啱啱好，唔會硬。再試埋個清酒大蜆湯米，有酒味得嚟又引到大蜆嘅清甜味道！無論係花膠米粉定係清酒大蜆湯米，真係可以連湯都飲埋，好健康冇味精！👍🏼廣島蠔都係非常鮮甜，有興趣都可以點嚟一試。