林昌記 (已結業)

平時由紅磡站行去尖東必經一條天橋，行天橋嘅時候總會見到右手面有間賣魚蛋嘅「林昌記」。原味、香辣、咖哩魚蛋都係$10/7粒，$20/16粒。小妹我最鐘意食原味白魚蛋，「林昌記」係即叫即炸架！睇住佢炸完瀝乾水，保證新鮮！😏唔洗驚食到隔夜魚蛋😂。食落脆口又乾身，入口富彈性，魚香十足，咬落去絕對唔係坊間個d魚肉粉糊，只靠調味惡補、無誠意嘅魚蛋，最重要嘅係佢地自家製嘅辣椒醬、辣椒油超正，唔係好辣，但入口幾香幾惹味！嗜辣嘅foodie不可錯過！