From Seed To Wish (已結業)

星期日放假 , 做咗一個大舉動！就去牛頭角約咗Mike出嚟傾傾計。Mike咪介紹，呢間餐廳環境比較好最適合傾計。呢度有好多全日套餐供應， 而且每個套餐都有好多side dish可以加，自由到好大。餐湯，蘑菇忌廉湯，蘑菇味道好香濃，個湯唔係水汪汪都有啲杰，溫度都適中，味道都好。沙律，就係沙律菜，配一啲甜醋，沙律菜都新鮮，咪就係沙律菜囉。日式拿破崙海鮮扁意粉，日式拿破崙意粉同意大利嘅拿破崙意粉，有乜嘢分別，我唔知，可能比較甜，但我覺得日式嘅可能啱香港人口味多啲；呢個拿破崙意粉，有幾隻蝦有魷魚仔，個醬好香甜好好味，好啱女仔食。班蘭冰咖啡，香香甜甜好好味，好有班蘭味又有啲咖啡味，好啱女仔飲。