八寸料亭

營業中

休息中

今晚去大坑食好西，選擇眾多，揀咗呢間癮秘日本餐廳。個位置好特別，由天后行入去，會覺得好難揾。但又浣紗街行入去，其實行兩步就到。。。好神奇😆間餐廳好有日本餐廳感覺，細細地，有table有bar，由於唔係食廚師發辦，所以坐table方便傾偈。今晚試咗唔同種類嘅食物，每樣講下先。首先個壽司set，有海膽，吞拿魚腩呢啲貴價食材，而且食材新鮮，因為有少少唔新鮮嘅海膽我覺得就會有啲臭味，所以一食個海膽就知道食材夠新鮮。另外叫咗個鰻魚天㷌羅同魷魚天㷌羅，呢兩個都比較特別，換塊紫菜包住嚟炸，仲夾舊年糕一齊，咬落味道同口感都多啲變化。最尾幅相係一個麵豉醬煮蠔，舊蠔唔係好大隻但係就夠晒肥美，好滿足😚