影片
更多
2017-12-18
333 瀏覽
第一次吃「阿坤」，是前年的星加坡旅行。而之前在香港吃「土司工房」，不敢吃豉油生蛋，去到星加坡，見個個都這樣吃，膽粗粗又試下，生蛋撈咗甜豉油，甜甜哋，又真的幾好味；而多士又香又好味，於是就愛上了「阿坤」。回香港不久，「阿坤」竟然又過了來，真開心！今次已是第四五次來尖沙咀吃「阿坤」，不過之前都是吃下午茶食多士餐，今次是夜晚來吃晚餐。晚餐來講，真的好抵食！雞肉飯 - 即係海南雞飯，有湯、飲品、海南雞、油飯、油菜、多士，才六十幾元，「美心」、「翠華」齋油飯、海南雞、湯，都賣成七八十啦！呢度仲有埋飲品同多士。海南雞無骨，好瘦，無肥膏，大件又多件，味道唔錯，滑就唔係話好滑，但唔會鞋；3隻味嘅醬汁 - 豉油（比較杰）、甜酸醬、姜茸，點甜酸醬同姜茸已經好好味；湯都夠味；油菜係生菜，仲有少少肉粹佐住，唔錯；油飯味道亦都唔錯；飲品我揀咗馬拉奶茶加煉奶（又或者可以揀馬拉奶茶加沙糖/港式奶茶，或者咖啡、鴛鴦，選擇好多），較港式奶茶甜啲，但又唔會話勁甜（我試過星加坡檔口飲過奶茶，甜到呢，頂唔緊），都唔錯；最後係半份咖吔牛油多士，可惜話多士賣晒，轉咗白麵包，味道當然差好多，仲係凍嘅，下次要再來食多士，「阿坤」多士
今次已是第四五次來尖沙咀吃「阿坤」，不過之前都是吃下午茶食多士餐，今次是夜晚來吃晚餐。晚餐來講，真的好抵食！
雞肉飯 - 即係海南雞飯，有湯、飲品、海南雞、油飯、油菜、多士，才六十幾元，「美心」、「翠華」齋油飯、海南雞、湯，都賣成七八十啦！呢度仲有埋飲品同多士。海南雞無骨，好瘦，無肥膏，大件又多件，味道唔錯，滑就唔係話好滑，但唔會鞋；3隻味嘅醬汁 - 豉油（比較杰）、甜酸醬、姜茸，點甜酸醬同姜茸已經好好味；湯都夠味；油菜係生菜，仲有少少肉粹佐住，唔錯；油飯味道亦都唔錯；飲品我揀咗馬拉奶茶加煉奶（又或者可以揀馬拉奶茶加沙糖/港式奶茶，或者咖啡、鴛鴦，選擇好多），較港式奶茶甜啲，但又唔會話勁甜（我試過星加坡檔口飲過奶茶，甜到呢，頂唔緊），都唔錯；最後係半份咖吔牛油多士，可惜話多士賣晒，轉咗白麵包，味道當然差好多，仲係凍嘅，下次要再來食多士，「阿坤」多士真係好好味！
叻沙 - 一隻雞蛋開兩邊、豆卜、魚片、兩隻蝦、米線，湯底味道真係唔錯，（好食過「土司工房」，無論多士定主餐都係），魚片、蝦都彈牙，碟頭唔算大，普通；加半份多士；男友揀咗飲品為鴛鴦，又幾好飲，好香！不過我夜晚唔敢飲咖啡，會瞓唔著，所以試咗啖就算！個餐五十幾，抵食！
晚餐來講，呢個價錢真係好抵食！尤其是雞肉飯！位置可能夠入，所以人流少，而且梳化位又舒服，又不會逼。會再來！
張貼
