橫浜街場 (已結業)

今日早左出旺角，就決定食完野先行街。入左呢棟大廈後，見到7樓有間新開嘅火鍋店，就入去試一試。睇完餐牌後揀咗花膠螺頭藥膳雞鍋，個鍋係個大木桶黎，對於習慣食傳統火鍋嘅我地有好大嘅新鮮感。個木桶入面有幾個孔位，會噴返啲湯出黎，如果要飲湯就直接喺洞口接住啲湯飲，啲湯好清澈，唔洗驚飲到油同泡。至於味道真係唔錯，湯底夠濃味，好足料，好香藥膳味，入面有已切件嘅雞，花膠同螺頭，全部嘅質素都好掂！雞好滑同爽口，花膠螺頭都整得好淋！木桶内側有幾個出湯口，店長話用湯匙不會油膩，夠新意特別！米網炸響鈴，色澤金黃，入口散發豆香，筷子一夾已感非常酥脆，有層次感跟住仲有西班牙黑豚腩，西班牙出名黑豚，呢部份仲要係腩肉，脂肪會多少少，但係食落超滑，而且唔覺得肥，比普通嘅肥牛食落更加滑溜，非常高質嘅黑豚肉。