青悅 (已結業)

生牛肉湯河，肉質鮮美，份量足夠。扎肉蝦餅撈檬，扎肉同蝦餅都係得兩塊，但勝在蝦餅肉厚大件，好味！作為撈檬靈魂嘅酸辣汁另上，大大支任你落，好滿足！蒜蓉炒椰菜仔，炒得剛剛好，唔會太老，蒜蓉味好惹味。食物味道好好，但撈檬同椰菜等了大概十五分鐘先到，生牛肉湯河就好快到。之後發現炒菜多數係三四碟一齊攞出廚房，可能等埋幾張單先一次過炒，所以咁慢？想食菜就唯有等多陣。