一口沙嗲專門店

營業中

休息中

眾所周知而家日情嚴重， 堂食都只係開到十點 如果同一班朋友一齊玩食到十點真係好冇癮， 所以今次特登嚟到呢間外賣嘅沙爹串燒舖， 入到嚟呢就買到一包包嘅預備好嘅串燒，買點數係拎到返屋企一開就可以燒嚟食，完全唔需要又醃又落街市買嘢，真係方便之極。你買完佢啲嘢原來仲送一個電熱爐， 雖然爐仔細細 但同一時間都燒到成五，六串串燒，所以真係絕對夠用。 真係連爐都幫你諗埋，你仲真係唔使再買其他嘢啦。串燒方面豬牛羊雞都有齊曬， 只需要食之前一日喺急凍度放返落冷格， 或者食之前用暖水去解凍，全部肉都已經醃好味，食落都幾重沙嗲味，而且肉質都幾嫩口，如果唔夠味佢仲配埋個沙嗲汁畀你點嚟食。本人覺得係朋友屋企聚餐之推介外賣， 咁就唔使成日淨係打邊爐啦。