泰妹餐廳 (The Wave) (已結業)

之前試過係OpenRice 買過泰妹團購，見幾好食，今日經過觀塘決定再次幫襯。泰式豬濕炒河： 好足料，有好多蔬菜同埋菇菇，至愛。入口甜甜地，有鮮味，雖然係濕炒，但都有鑊氣。泰式明爐烏頭：無腥味，有魚味，肉質唔錯，啲湯酸酸地小小辣，最好係有啲肉碎，增加鮮味，有畫龍點精的作用。泰式燒肉炒介蘭： 燒肉都幾多舊，食入口唔會覺得好肥膩，介蘭入口爽碎，無苦澀味，亦都炒得好香口。總括而言，泰妹都保持一貫水準，下次經過觀塘想食泰國野可以再幫襯！