影片
更多
2021-10-31
16 瀏覽
好多朋友去食過雞煲都話好味，而且有房間，啱晒一班朋友去飲酒。去到先知，原來有埋泰國菜食，仲要好好味🤣泰式柚子蝦沙律食泰國菜必點泰式沙律，因為我好鍾意食酸酸甜甜嘅嘢，今次試咗柚子沙律，好正呀，柚子大大舊，蝦夠彈牙，加上啲脆脆地嘅配料，勁開胃。小食拼盤朋友話要飲啤酒，所以叫個細份嘅小食拼盤送酒，點知見到個份量之後我呆咗，兩條友點食得晒呀🤪我最鍾意依然係炸蝦餅，脆卜卜，好香口。魚餅都好味，同個醬汁好夾。另外有個圓圓哋嘅似魚腐咁嘅嘢，都好好味。青咖哩牛腩石鍋石鍋好熱，所以上嚟嘅時候仲好滾，聞到啲咖哩味真係好香好正呀。青咖哩夠香濃，有椰汁味而又唔辣，啱晒唔食得辣嘅朋友。牛腩好冧好入味，我哋最後食清晒，連啲配料都食埋。香油酥餅食咖哩一定要配飯或者餅，今日揀咗餅，呢度嘅餅好酥脆好好味，而且份量好多，加埋咖哩汁，真係正到爆。泰式蝦球炒西蘭花係時候食啲清淡啲嘅嘢，我哋揀咗西蘭花，炒得唔錯，仲有好多蝦。朋友叫咗hoagarden，估唔到咁大杯，佢勁開心🤣我就咗少甜嘅泰式奶茶，果然係少甜，好飲。兩條友食咁多嘢真係好恐怖，最恐怖係我哋食清晒🤣
泰式柚子蝦沙律
食泰國菜必點泰式沙律，因為我好鍾意食酸酸甜甜嘅嘢，今次試咗柚子沙律，好正呀，柚子大大舊，蝦夠彈牙，加上啲脆脆地嘅配料，勁開胃。
小食拼盤
朋友話要飲啤酒，所以叫個細份嘅小食拼盤送酒，點知見到個份量之後我呆咗，兩條友點食得晒呀🤪我最鍾意依然係炸蝦餅，脆卜卜，好香口。魚餅都好味，同個醬汁好夾。另外有個圓圓哋嘅似魚腐咁嘅嘢，都好好味。
青咖哩牛腩石鍋
石鍋好熱，所以上嚟嘅時候仲好滾，聞到啲咖哩味真係好香好正呀。青咖哩夠香濃，有椰汁味而又唔辣，啱晒唔食得辣嘅朋友。牛腩好冧好入味，我哋最後食清晒，連啲配料都食埋。
香油酥餅
食咖哩一定要配飯或者餅，今日揀咗餅，呢度嘅餅好酥脆好好味，而且份量好多，加埋咖哩汁，真係正到爆。
泰式蝦球炒西蘭花
係時候食啲清淡啲嘅嘢，我哋揀咗西蘭花，炒得唔錯，仲有好多蝦。
朋友叫咗hoagarden，估唔到咁大杯，佢勁開心🤣我就咗少甜嘅泰式奶茶，果然係少甜，好飲。兩條友食咁多嘢真係好恐怖，最恐怖係我哋食清晒🤣
張貼
